Und scho sind's verbi, eusi Flitterwuche uf em Chrüüzfahrtschiff MSC Splendida!

Mir händ's gnosse diversi Länder mal uf em Seewäg statt uf em Töff z'bereise. So simmer vo Genua (I), über Barcelona (E) nach La Goulette (Tunesien), wieter nach La Valletta (Malta) und Messina (Sizilien), Civitavecchia (I) und aaschlüssend wieder zrugg nach Genua (I) gfahre. Näb de spannende Uusflüüg an Land hämmer's eus uf em riesige, moderne Schiff (vor allem a de verschiedene Bars) guet gah laa und d'Nächt mit Tanze oder im Casino verbracht. Die beste Iidrück vo eusne Flitterwuche händ mir eu uf eusere Websiite i de Rubrik "Föteli > Flitterwuche" zämmegstellt.

Womär dänn äntli, völlig erschöpft vo de Carfahrt, dihei aacho sind, hät no e chlini, gäli Überraschig uf eus gwartet...
Us em gmüetliche Uuspacke isch dänn a däm Abig nüt meh worde...!